|
Vil gi femåringar
motorsykkel |
|
Skal ein køyre ein motorsykkel opp til
60 kubikk treng ein ikkje vere meir enn fem år. Men då må dei vaksne gjere
heimeleksa si. Denne helga var 20 personar frå Sunnfjord i Eikefjord for å kurse
seg |
|
Firdaposten: 23.11.2004 Av, Dag Frøyen |
 KURSA SEG: Kursdeltakarane frå venstre: Arnfinn Lindstrøm, Ole Joni
Havn, Per Egil Knudsen, Dag Nybø, Arve Soleide, Dag Magne Knapstad, Ottar
Akselsen, Rune Soleide, Jan Vidar Stubhaug, Torbjørn Hopen, Aslak Holmen, Asle
Skånevik, Conrad Rye Holmboe (instruktør), Dag Havn, Arnestein Aa, Jonas Svardal,
Kim Andre Nygård, Roy Os og Hege Knudsen. Foto: Dag Magne Knapstad |
Det er stor interesse for
motorcross i Flora og dei omliggjande kommunane. Det viste
deltakarmassen på motorcrosskurset i Eikefjord denne helga.
Eikefjord Idrettslag stod for instruktørkurset og
representantar frå Førde, Naustdal, Svelgen og Flora var
representert. Og interessa for motorsykkelcross ser no ut til
å blomstre. Tilrettelegging for dei yngre klassane, slik at
entusiastane skal sikre seg rekruttering, er no i full gang.
– Dette kurset er retta mot dei yngre, seier Dag Magne
Knapstad i Florø MC Klubb. Han meiner motorcross er ein idrett
som kan verke positivt for kontakten med dei yngre.
– Dette er ein aktivitet der foreldre vere i kontakt med
ungane lengre. Det er jo ofte slik at når ungane kjem i tenåra
flyktar dei frå opphavet. Driv du derimot med motorsykkel, så
er foreldra interessante litt lenger, seier Knapstad. Han
meiner kontakta ein får med dei unge veg opp mot utgiftene ved
idretten. For det er ikkje ein billeg idrett. |
|
 |
| FLORØ GJENGEN: MC-gjengen ifrå Florø MC klubb sat på
skulebenken i Eikefjord i helga. Frå venstre: Kim Andre
Nygård, Jonas Svardal, Aslak Holmen og Asle Skånevik Foto: Dag Magne Knapstad |
|
Kurs
Aktivitetsleiarkurset i regi av Norges motorsportsforbund.
Kurset skal sørgje for at ein ha kvalifiserte folk som kan
vere ansvarlege for køyring.
– Vi jobbar no med å få til barnecross, og skal vi det må vi
ha godkjende instruktørar og kan drive lovleg, seier Knapstad
Kurset var på Eikefjord skule fredag til laurdag og dei 20
deltakarane fekk gjennomført 20 timar undervisning både
teoretisk og praktisk.
Vi skal gjennom strenge reglar og lovverk og dessutan at det
er viktig at dei som skal lære vekk han handtere dei ulike
teknikkane i motorcross, seier Knapstad. I tillegg til kurset
denne helga skal det settast opp eit nytt 12 timars kurs som
skal rette seg direkte mot barneidrett før instruktørane er
ferdig uteksaminert. |
|
 |
|
INSTRUKTØR:
Conrad Rye Holmboe frå Sotra MK stod for kurset. Her ser vi
Arve Soleide som held sykkelen Kim Andre Nygård sit
|
|
|
|
|
Fleire baner
Folk ifrå Førde som køyrer på bana på Kråkenesmarka og
dessutan Eikefjord Idrettslag som no driv med tilrettelegging
for ei bane på Nesjane. Represantantar ifrå Naustdal og frå
Svelgen var representert. På desse to plassane er ei crossbane
i emning
Florø MC Klubb jobbar no parallelt med etablering av to baner.
Dei har sett føre seg å starte ei bane på Florølandet ved
Flyplassen i tillegg til ei bane for barn ved klubbhuset på
Bjørnset. Og den som trudde motorcross er ein idrett for
vaksne må tru omatt.
– Ein kan starte allereie når dei er blitt fem år. Då kan dei
køyre motorsyklar opp til 60 cm3. Frå det året ein fyller ti
år kan ein køyre opp til 85cm3, og frå 14 år opp til 125 cm3.
Frå ein er 16 år er det fritt. Dette er sjølvsagt på lukka
bane med godkjende aktivitetsleiarar til stades, seier
Knapstad.
Med fleire baner for nybegynnarar på plass, meiner Knapstad
det opnar det seg moglegheiter til å skape interesse for
sporten og ved at ein kan skipe konkurransar. |
|
|
|
|
|
|
| FULL GUFFE: Snøen var ei lita, men ikkje
absolutt hindring for MC-entusiastane som denne helga kursa
seg i motorcross ved Eikefjord Skule denne helga. Her ser vi
instruktør Conrad Rye Holmboe i aksjon |
|
|
Mer om knattecross
Ønsker dere å lese litt mer om knattecross, så anbefaler eg
heimesiden
http://www.knattecross.no
www.motorsportforbundet.no |
|
|
|
