Det ryste folk det som siste tida har skjedd her i Flora.  Derfor set vi i gang med denne aksjonen saman med popgruppa Album.  Det er Dag Magne Knapstad- kasserar i Florø MC klubb som seier dette til Firdaposten.  Onsdag kveld skal Album halde konsert i musikkpaviljongen.  Her blir det også eit kort foredrag om narkotika. Vi skal også sende brosjyrar ut med posten.

Etter konserten skal vi trekke inn i Samfunnshuset til rusfri dans.  Pengane vi får inn på dansen skal gå til Docen fritidsklubb.  - Vi i MC-klubben ser Docen som det beste førebyggande miljøet mot narkotika og alkohol vi har her i Flora.

Harald Øyen som leiar Docen Fritidsklubb meinar at rusproblemet helt tydeleg har auka i Flora siste året. No er det også kome så langt at ein har mistanke om at det har kome heroin her til byen.

Det verkar også som dei som har brukt narkotika over lengre tid har blitt meir desperate for å få tak i stoff.  Øyen er redd for at etter kvart som stoffmisbruket aukar på, veks også kontaktnettet og tilførsla utafrå.

Vi har ei eldre kjerne av stoffbrukarar i Florø. Eg er redd dette spreier seg, seier Øyen.

Narkotikaen reiser folk til Bergen og hentar, eller så skriv dei og får det sendt oppover.  Største faren ligg i at dei som brukar stoffet må selje for å overleve.  det verste er faren for spreiing til yngre grupper.

Øyen trur ikkje at folk brukar narkotika i stor stil utan dette har sosiale grunnar.  For å få skikkeleg bukt med med problemet må ein få bukt med dei sosiale årsakene meiner han.  Har ein ungdom vanskar på skule, heime eller og i tillegg eit dårleg fritidstilbod kan dette lett utvikle seg til bruk av rusmidlar - hasj og alkohol.  -- Her kjem Docen inn som eit viktig fritidstilbod, og kan være med å førebygg, meinar Øyen.