|
Bråka og
brølte for eiga bane |
|
FLORØ: Det brumma og brølte. Eit tjuetals ungar sleppte seg laus på lågt
gir på motokross køyrety på Sørstrand laurdag. Slik kan det komme til å låte i
nabolaga om dei ikkje får si eiga motocrossbane. |
|
Firdaposten: 02.12.2004 Av, Olav Hatlemark |
 |
KAN BRÅKE: Dei er mange og kan lage mykje lyd, gjengen frå 5-13år,
som er
klare til å begynne med motokross i Florø. No ønskjer dei seg ei
bane der
dei ikkje sjenerer andre:
Framme frå venstre Adrian
Skånevik, Gunn Helene
Fidjeland Alexander Fidjeland, Olgeir Eide Sundal, Robert Frøyen
Høivik,
Christian Gjertsen Kvellestad, Vebee, Anders Bo Sørensen og Erlend
Bøe (på
fire hjularen).
Neste rekkje, frå venstre: Ann Charlotte Kvellestad, Linn Kristine
Kvellestad, Mathilde Bauge, Terje Havn, cross-sjef Aslak Holmen og
Richard
Eide Sundal. (Foto: Dag Magne Knapstad) |
Dei gjorde ein enkel demonstrasjon for Firdaposten og indirekte
for Flora
kommune. Det kan bli mykje lyd både her og der, om ikkje kommunen
kan hjelpe
Florø MC klubb med å finne ein avskjerma plass til ei bane for
motokross.
Vanskeleg å sove
Var det nokon som prøvde å få seg ein ettermiddagslur på Sørstrand
etter ei
lengre og heftig fredagsnatt, trur vi ikkje at dei hadde særleg
sjanse til å
få sove. Ungane køyrde rundt og rundt på grusvegane og litt inn i
skogholtet. Utan eiga bane å avreagere på, vil nok mang ein hekta
motokross
entusiast lure seg til i eige nærmiljø, så det vil høyrest.
- Vi ønskjer også å vise at interessa er stor, seier Florøs
variant av
sjefen over alle sjefar, Aslak Holmen. Denne gongen hadde Aslaken
bytta bort
turndrakt, trommer og surfebrett med MC dress for å hjelpe til med
å gje
motor- og fartsglade barn og ungdom eit nytt og godt tilbod. Med
seg på
laget har han ein bra flokk foreldre. Dei stod parate i
bakgrunnen. For til
forskjell frå anna idrett, må barna som skal drive motokross
alltid ha ein
far med seg når dei trenar, eller litt meir sjeldan, ei mor som
kan hjelpetil og forsikre om at poden eller jenta køyrer både balansert og
fornuftig,
sjølv om det skulle gå unna i svingane. Fleire av foreldra var
også med på
instruktørkurs i Eikefjord nyleg. Og skulle nokon vere i tvil om
den meir
varige nytten?
God trenging
- Motokross gjev god trening i balanse. Det krev god kondisjon og
ungane får
god trening i å forstå trafikkbildet, forsikrar Holmen og Asle
Skaanevik,
den siste er ivrig far og ein av dei andre kvalifiserte
instruktørane i
Motokrossidretten til MC klubben
Dei har gitt opp forsøket med å få bruke eit område i Botnastranda
til
Motokross. Her blir leiga for dyr. I tillegg vil det koste eit par
hundre
tusen å opparbeide sjølve bana. Det blir for mykje, meiner Holmen.
No har
dei sendt ein ny søknad om eit muleg alternativ i Gunhildvågen
Sør. Men
skulle der vere andre alternativ godt skjerma frå busetnaden, men
samstundes
ikkje altfor langt frå sentrum, er dei framleis opne for det.
Olav Hatlemark
57757305
olav.hatlemark@firdaposten.no |
Mer om knattecross
Ønsker dere å lese litt mer om knattecross, så anbefaler eg
heimesiden
http://www.knattecross.no Her finner dere alt fra regler til
kjøretips. |
|
|
|
