Knallbra stemning
Allereie på tredje låta jamma dei i veg, stemninga var god og publikum var heilt med. Mike Scott dediserte ei låt til sitt hatobjekt nummer ein, Jerry Springer (ein usannsynleg usympatisk amerikansk talkshow-vert), noko som førte til at publikum taktfast skreik ”We hate Jerry Springer”. Om ikkje før så vart kontakten i alle fall no heilt spesiell mellom Mike Scott & co og publikum. Mike Scott spanderte til og med både smil og latter, ikkje verst til han å vere! Han likar elles helst å sjå litt mystisk ut.

Rocka versjonar
Det var lite av det vare og sarte vi kjenner så godt frå tidlegare konsertar – som Sardines, i Oslo i 1986, ein minne som gir frysningar nedover ryggen. Musikken vi fekk presentert på laurdag let bra, men det var fleire som sakna fela og som kunne tenkt seg dei gamle låtane i ein litt mindre rocka versjon. Då dei kom med ”All the things that she gave me” steig likevel stemninga endå nokre hakk, og det berre fortsette den med resten av den godt og vel ein times konserten.

–         Har de høyrt om ”The Fishermans Blues Album”, skreik Mike Scott.

–         JAAAAAAAAAA, skreik publikum tilbake. Mike Scott har også ei låt dedisert til Morten Harket, ikkje ”the Pan Within” som mange trudde, men den låta som er ganske lik både i arrangement og melodi, hm.

”Here I am” sang Mike Scott i ein av låtane, det var publikum glad for!

Karakteristiske hyl 
Så var det nesten slutt, men ikkje heilt. For ut att på scena kom the Waterboys og tok ”Don`t Bang the Drum” med dei karakteristiske hyla som berre Mike Scott kan klemme ut av seg.

Eit trøystande ord til dei som ikkje nytta høvet til å få med seg konserten med the Waterboys;  .........     beklager, men de har gått glipp av tidenes pop/rock evenement i Florø….

Magnhild Hauge  57 75 73 00
magnhild.hauge@firdaposten.no

Babel Fish gjorde jobben

FLORØ: Det svinga skikkeleg av Babel Fish og publikum let seg overraske av den nye popkometen  og vart gode og varme i trøya før hovudattraksjonen viste seg.

Neste gong Babel Fish kjem til Florø vert det nok for å gje eigen konsert. Vi fekk servert ein god halvtime med skikkeleg melodiøs og fengande pop/rock. Frå den litt meir vare, godt kjente og nydelege ”Out of the Blue” til skikkeleg rocka ”Mania”. I ”Mania” fekk vi ein ny vri på Diana Ross sin ”Upside down you`re turning me”, noko som var ganske beskrivande for publikum sin reaksjon på Babel Fish. Mange vart overraska over det solide trykket Babel Fish serverte frå scena, enkelte hevda til og med at dei likte Babel Fish betre enn the Waterboys…

Magnhild Hauge  57 75 73 00
magnhild.hauge@firdaposten.no

Høg stemning med legendariske Waterboys
Mike Scott og Waterboys skuffa ingen fans av den legendariske gruppa. Scott piska publikum til stadig nye høgder med gode gamle hits og lovande nye låtar frå gruppa sin nye CD.
17.06.00-23:34
[HEILE SAKA] [KULTUR