Manfred Mann's Earth Band klassikarane "Davy's On The Road Again", "Blinded By The Light", "Mighty Quinn", og Bob Marley sin "Redemption Song" var alle på plass til ellevill jubel frå publikum. Men det skal seiast at Thompson sine nye låtar som han opna konserten med, så absolutt kunne stått på eigne bein.
Allsong
Allsongen til dei gamle sviskene ljoma under tjærebreidde buabjelkar, og fleire gonger vart Thompson overraska over eit publikum som kunne tekstane. Thompson viste også kvifor han er ein vokalist dei store stjernene ønskjer i studio på platene sine. Rett og slett den beste rockevokalisten underteikna har høyrt i Florø.
Gitarfenomen
Mats Eriksen er rekna for å vere ein av dei raskaste gitaristane i verda. Bergensaren med fleecejakke, joggesko caps og kort gitarreim, minner lite om Steve Vai, Yngvie Malmsteen, Joe Satriani og dei andre i gitargud-kategorien. At han er stor, viste han då han laga bakoversveis på luftgitaristane i lokalet med å trakterte gripebrettet med fingrane som styrtregn som treff eit blekktak.
Moro for oss
Han let det vere med den sekvensen, og det var nok for å stadfeste verdsnivå. Moro for oss her på berget er at Florø-gitaristen Jørn-Lasse Førde Refsnes tidlegare har vikariert for gitarfenomenet frå Bergen.
Sjølv om Chris Thompson flyt på fortida med Mannfred Mann's Earth Band, var han absolutt vital ved sidan av Mats Eriksen og band som gjorde denne fredagskvelden i Florø minneverdig.
Dag Frøyen 57 75 73 16 |
