Kulturetaten
i Flora kommune, Florø sentrum, Krokane Nærtenester og
motorsykkelfolket stod for eit arrangement med stor breidde og laga
triveleg stemning og skikkeleg liv og røre i sentrumsgata laurdag.
Først ut var dei minste som konkurrerte med trehjulssykkel, deretter
var det sykkelkonkurranse med dei etter kvart så berømte by-syklane.
MC-parade
Til slutt tok MC- folket over showet. MC- klubbane i Florø, saman med MC-
butikkane i byen hadde sin eigen kubikkvri og viste seg frå si beste
side etter dei negative hendingane med narkoarrestasjonar i Hammer MC i
Florø nyleg. Florø MC- klubb tok i eit
lesarinnlegg i Firdaposten laurdag sterkt avstand frå narkobruk.
MC-gjengen samla seg ved Haffen
før de la ut på tur.
Foto: Dag Magne Knapstad
|
Denne laurdagen kunne folk rusle kring og sjå på beundringsverdige
motorsyklar med både to og tre hjul som var utstilte i gata. Til slutt
arrangerte klubben felles MC-tur frå torgplassen ved Haffen til
Bjørnseth,
der det var servering av kaffi, kaker og vaflar i eigne klubblokale.
Startkontigenten på turen gjekk til Norsk Luftambulanse.
