Motorsportbana er i boks

FLORØ: Treningsbana til det nye idrettslaget Florø Motorsportklubb er klar til bruk 1. januar. No planlegg dei opninga av bana på Botnastranda så raskt nyttårsrakettane har landa.

Firdposten  Lørdag, 17. desember 2005   Av: Dag Frøyen

ENDELEG: Dei har venta lenge på bane og når champagne-korkane sprett i taket ved nyttår er bana på Botnastranda klar til bruk. Her i fra en dugnads kveld før bana var ferdig  Foto Aslak Holmen

– No er all godkjenning frå kommunen gjennomført. Vi har fått godkjent bana av Norges Motorsykkelforbund og kan starte trening på bana rett over nyttår, seier leiar i Florø Motorsportklubb, Aslak Holmen.

Det er køyrt over 60 lass med sand til bana i tillegg til at dei har sett opp gamle bildekk som står i svingane og som markørar kring bana. Bana er 350 meter lang og fem meter brei frå start til mål. Den kan byggast ut og Aslak Holmen reknar med at dei med mindre innsats kan gjere bana dobbelt så lang, men dette er noko dei ser føre seg på sikt.

Bana er godkjent som kategori D. Det betyr treningsbane. Bana vil kunne oppgraderast om det er vilje til det. I tillegg til motorcross er bana også godkjent for trial-syklar.

– Vi er godt budd og har no fått på plass fire lagringskontainarar for utstyr no er det berre straum og toalett som manglar, seier Holmen. Han er no utdanna aktivitetsleiar og har med seg Asle Skånevik, Dag Magne Knapstad, Jonas Svardal, Roy Os, Tore Haugen, Jon Ole Solheim og Kjell Frode Fløholm som leiarar med kompetanse i Florømiljøet.

– Vi skal no planleggje opning på bana og reknar med at vi endeleg skal lykkast å etablere eit godt miljø for motorsport her i Florø med ei bane å vise til. Det er mange som har syklar her som klør etter å få nytte dei. No kan vi endeleg få trille dei ut av garasjen, avsluttar Holmen.

Dag Frøyen    57 75 73 29 dag@firdaposten.no

 

HISTORIKK

2011
2010
2009
2008
2007
 
2006
2005
2004
2003
2002
2001
2000
1999
1998
1997
1996
1995
1994
1993
1991
1988
1985
1984
1983
1982
1981
1980
1979
1976

 

   
Florø MC Klubb  
34 år.
1976 til 2010

Boks 272,  6901 Florø, 
Tlf: 57744939,  E-post: post@fmck.no Hjemmeside: http//www.fmck.no

Sist oppdatert av © Linken  16 august 2011